التسويق الزائف بزيادة متابعين وهميين

بعد هذا الكتيب الصادم عن طرق احتيال شركات التسويق والمسوقين أقدر أضمنك إنك بتكون فاهم اللي قدامك سواء كان يحتال عليك أو هو بالفعل مسوق وحابب يفيدك تابع الكتاب وتمعن في المعلومات المفيدة

المحور الأول التسويق الزائف بزيادة متابعين وهميين

لا تتورط قبل ما تتفق مع أي شركة تسويق أو مسوق اسمع قصتي أذكر يوم كنت توّي بادئ مشروعي حماسي كان بالسماء وكل همي إني أطلع حسابي في السوشيال ميديا قدام الناس بأسرع وقت

هنا طاح قدامي إعلان نزيد لك متابعينك بأقل الأسعار نوصل لك 10 آلاف متابع في قلت بيني وبين نفسي وش أحتاج أكثر هذا اللي أبيه

راسلتهم دفعت لهم وجتني دفعة المتابعين فعلاً الأرقام طلعت خيالية بس بعدين

بدأت ألاحظ شيء غريب المنشورات ما عليها أي تفاعل ولا حتى لايكات من اللي توهم تابعوني استغربت دخلت على بعض الحسابات لقيتهم من دول زي زامبيا وسلوفاكيا ويتابعون أي شي وكل شي

وقتها عرفت إني طحت في الفخ

أول ضربة الأورجانيك راح الخوارزميات صارت تشوف إن المحتوى ما عليه تفاعل فتوقفت توصل منشوراتي للناس الحقيقية يعني بالعربي المحتوى اللي أتعب عليه ما قاعد يوصل لأحد

ثاني ضربة الحملات الإعلانية راحت في الهواء بسبب الجمهور الوهمي الإعلانات صارت تطلع لأشخاص ما لهم أي علاقة بمجالي ولا حتى مهتمين والأسوأ ما في أي فائدة منهم ما يشترون ما يسوقون لك ما يعطونك حتى رأي وجودهم زي قلتهم

والحين بتقولي فيه ناس يقترحون نشتري حسابات جاهزة إي سمعت هالنصيحة بعد ما تورطت بالمرة الأولى واحد قال لي ليه ما تشتري حساب جاهز فيه 50 ألف متابع وتبدأ منه

قلت خلني أجرب وشريت الحساب لكن أول ما بدأت أنزل محتوى يخص مشروعي التفاعل صار ينزل والمتابعين يبدون يلغون المتابعة واحد ورا الثاني عرفت إن الحساب هذا كان لمحتوى مختلف تمامًا عن مجالي والمصيبة بعض المتابعين كانوا برضو وهميين يعني رجعت للمشكلة من جديد لا جمهور فعلي لا تفاعل لا ثقة

خلاصة الكلام لا تنخدع بالأرقام ولا تدفع ريال قبل ما تفهم اللعبة السوشيال ميديا ما هي أرقام وبس هي ثقة تفاعل وجمهور حقيقي يمشي معك خطوة بخطوة

وإذا تبي تبني صح ابن من البداية وخل أحد فاهم يدير تسويقك بالطريقة الصحيحة مو ناس تبيع لك وهم وتخليك تحرق فلوسك